رئيس التحرير
رساله للرئيس
- سيدى الرئيس
- بدون مؤسسات رقابية قوية، يصبح الإفلات من العقاب هو الأساس الذي تُبنى عليه أنظمة الفساد،
وإذا لم يتم القضاء على الإفلات من العقاب، فإن كل الجهود المبذولة لوضع حد للفساد ستذهب سدى.
صحيح أنه لا يوجد أحد فوق القانون، لكن القوة يمكن أن تجعل شخصًا ما غير مرئي.
يواجه المواطن العديد من المشكلات والضغوط في مجتمعه والتي قد تدفع البعض لإتخاذ طرق غير مشروعة في سبيل تلبية رغباته … وقد تطور الأمر إلى أن أصبح الفساد آفة على المجتمع المعاصر وظاهرة وبائية انتشرت في كثير من المعاملات اليومية وقد يرجع البعض هذا إلى الإبتعاد عن الدين والضمير
ما هو الفساد؟ وماهي أسبابه ومظاهره؟
الفساد هو إساءة استخدام السلطة الرسمية الممنوحة للشخص سواء في مجال المال العام أو النفوذ أو التغافل عن تطبيق النظام أو المحاباه وكل ما يضر بالمصلحة العامة وتعظيم المصلحة الشخصية
*انعدام السلطة يحدث الفساد، وانعدامها بدرجة مطلقة يحدث الفساد المطلق.
عندما يأمن الموظف من العقاب سيقع في الفساد، ويسوم الفقراء سوء العذاب.
سيدى الرئيس
اذا كنا جميعا ساهمنا وقضينا على الارهاب فيجب علينا محاربه الفاسدين فى كل وزارة لها علاقه عمل مع المواطنيين .
من هنا ياسيدى الرئيس تتغير مصر لاتتغير مصر بالجمهوريه الجديدة؟
الجمهوريه الجديدة تحتاج لناس غير الناس ؟
أنت تستطيع .
سيدى الرئيس
أهم عناصر قوة الأمة جودة تعليمها، ونزاهة قضائها، وحسن اختيار قادتها، ومحاربة الفساد على كلّ مستوى
- كلام السيد الرئيس ووعدة للمصريين بيتحقق ولو ببطء الباقى على المسئولين والسلطات الرقابيه والتفيذيه تتحرك وتخلى عندها شويه من الاحمر الاسعار الحمد لله اصبحت فى تحسن….. بطىء ماشى لكن فيه أمل ان الدنيا تتحرك للاحسن السيد الرئيس مش هيمسك عصايا ويلف على كل وزارة او جهه المفروض يكون عندها شويه دم وتشوف شغلها.
- على الافنديه اللى قاعدة على الكراسى ومدورة المصلحه من سنيين واقصد وزارة التموين ومفتشى التموين ومفتشى الصحه لان كل الشعب المصرى بيحسبن عليهم ..كفاينا قرف المصانع اللى تحت بير السلم شغاله بمباركه من مفتشى التموين لان المعلوم بيوصل ؟العيش سىء جدا جمعيتى كانت كارثه على الشعب المصرى بقالين عملوا ملايين من ورى السبوبه ؟
- كل مفتش تموين أقوله كفايه كدة هو انت مش هيملى عينك غير التراب
سيدى الرئيس
- وزارة التموين محتاجه نسف من جذورها من وزيرها الى غفيرها محتاجه ناس عندها دم وطنيين بجد بيخافوا على مصالح الشعب المصريين مش اقطاعيين كل واحد فيهم ماسك منطقه مشغالها لحسابه ؟
مش عارف هبدأ منينين ولامنين عصابه ومافيا فى كل مديريه تموين ؟ وكل مديريه صحه لها رقابه على كل حاجه
وكل مفتش صحه وكل الكوارث الموجودة فى مصر سببها التموين والصحه على الاقل لان لهم علاقه بالمواطن البسيط اللى بيدور على رغيف عيش يأكله البنى ادمين وزجاجه زيت مش مضروبه وبتتعبأ تحت بير السلم
الصحه ياريس ومسئولى الاغذيه والرقابه اللى بيتابعوا مصانع العاشر والعبور واكتوبر والسادات وكل المدن الصناعيه التابعه لمحافظات مصريه الناس دى محتاجه رقابه بجد ؟ رقابه من حديد
احنا مش هنفضل نقول راجع للضمير ضمير كل موظف …مفيش موظف فى التموين ولاالصحه عندة ضمير ؟!
أرحمونا يرحمكم الله وكفانا فساد اخلاق وزمم ومصالح ونواب فشله واداء سىء فى كل حاجه
صحيح مش كل حاجه تتحملها وحدك لكن أحنا كمان بنعمل اللى علينا ولما نشوف بنقول بنكتب وبنخاطب المسئول لكن المسئول عارف ومكسور عنيه مش هيقدر يعمل حاجه .
اذا أين الحل ؟!!
- بشترى عيش امس وبقول لصاحب الفرن الدقيق رخص كان 24500 نزل 15500 لازم تراعوا الناس والرغيف سعرة ينزل ..
*رد على بسخريه وقالى ناس مين هما فين الناس …ودقيق ايه اللى رخص لما اخلص اللى عندى واشترى جديد بالسعر اللى بتقوليلى عليه ابقى ارخص العيش والكلام على لسانه وحتى لو الدقيق رخص كل شوال يابيه لمؤاخذة شوف عليه كام مصروف عماله وغاز وكهربا ومايه ومفتشين صحه ومفتشين تموين الشوال هيقضى مين ولامين ؟!وهنا تكمن الكارثه ؟!!
..رديت عليه وقلتله معاك حق أحنا شعب نستاهل اكتر من كدة .
- لو عايزين ينصلح الحال فعلينا بتشديد الرقابه وقطع كل سبل الفساد بين المواطن اين كان مسثتمر بقال صاحب فرن بيبيع طماطم فى السوق وبين مسئولى الصحه والتموين وكل من لهم علاقه رقابه بعيشيه المواطن
اذا القضيه واضحه ..؟
وللفساد جذور واهمها كانت المحليات وموظفى الادارات المحليه ومجالس المدن والتراخيص وحاجات كتير سوف نوالى النشر تباعا الامل لسه موجود فى التصحيح ومحاسبه الحراميه مازالت قائمه وكله كوم والضحك على الذقون فى الاستثمار العقارى كوم تانى !!!
أنتظرونى اللى باقى فى العمر مش كتير وادعولى بالشفاء عاهدت نفسى امام الله أن لااقول الا الحق
