كتب
ايمن عبد العاطى
كتير من الكتاب والمثقفين بينظرو علي الشعب المصري وكذلك كثير من الإعلاميين علي الشاشات والبرامج وبيطالبوا المصريين بالوقوف صفا واحدا في كل أزمة تمر بها البلاد … مفيش مصري مش بيحب بلده الا الإخوان والخونة بيحب الفلوس اكتر وبياخد وفي الاخر بيخسر بردو بس لازم الناس دي كلها تعرف أن المواطن عايز استقرار في أوضاعة وهو هيتكيف مع الظروف ولكن مش لاقي ده كل يوم سعر جديد في كل حاجة من اول فواتير كهرباء مياه غاز الي السلع الأساسية سكر رز زيت سمنة خضار لحوم اسماك وكذلك كل المنتجات التي يشتريها … فكل ما يجي يظبط أموره ودخله علي الاسعار يلاقيها تتغير فيظبط تاني يلاقيها تتغير فبقا مش ملاحق …عارفين سر نجاح الرئيس مبارك ثلاثين عاما في الحكم أنه كان بيثبت الاسعار لحد شهر يوليو من كل عام علشان كده كثير من المصريين بيترحموا عليه وده مش سهل وعجزت عنه حكومة الدكتور مصطفي مدبولي دورتين … صحيح في عوامل خارجية زي انخفاض دخل قناة السويس الي النصف بسبب الحرب وارتفاع أسعار السلع الغذائية بسبب حرب روسيا وكذلك وباء كورونا وغيرها بس الشعب زعلان علشان مفيش استقرار وثبات في أسعار كل السلع وبقا ابسط شئ عند المسئول أنه يحمل المواطن كل زيادة في السلع الأساسية وأنه لم يراعي أن ٧٠٪ من الشعب المصري دخله بسيط فالموضوع محتاج وقفة ثبات علشان المواطن يبقا عنده فرصه أنه يتكييف علي الوضع الحالي ولكن كل يوم تغير في السعر ده اللي بيزعل عموم المصريين فعلي المثقفين والإعلاميين الوقوف بجانب الشعب ومناشدة التجار في الاستقرار وثبات الاسعار وكفاية ما كسبوه من الشعب في الازمات اللي فاتت …تحياتي لكل شعب مصر الأبي الكريم ..
