البروف د. السيد المليجى
النهارده عيد ميلادى الثالث والسبعين
والحمد لله رب العالمين
انا جدو السيد ياولاد
بمناسبة عيد ميلادي الثالث والسبعون ١/١٠/٢٠٢٤
انا عايش على باب الله
ونشيدي يامداد يامداد
انا سني تلاتة وسبعين
وبقوة جارى الحداد
ودماغي زي الجرانيت
وحياتى جهاد فى جهاد
من كتر عنادي فى الحق
اعدائي طالبين إسناد
انا ألطف حيوان فى البحر
انا سيد قشطة السداد
تركبني وتشد فى ودنى
تتفسح والبحر اهو زاد
والارزاق فى البحر كتير
اعشاب وطحالب أعداد
مش عايز منك ملاليمك
عايزك تنظف م الإلحاد
وتشوف الآيات فى البحر
شال مع نوح الأجداد
ودفن فرعون فى الطين
ورحم بلدان وعباد
وجهاز التقطير للمية
وسحابة تقوم بالإمداد
وانا اسهل إنسان فى البر
انا تاكسى من غير عداد
راح اشيلك على كنبة قلبى
و أزمر وألف بلاد
من سينا لجنوب لبنان
للبوسنة وغزة وبغداد
و تشوف الأفلام الحية
ونهاية كل الأوغاد
ومساجد اهل التضحية
و احبابهم عاملين أعياد
ويا سعده المختار للجنة
وطريقها جهاد واستشهاد
و ح تكبر ويايا وتفهم
وح تسمع حكايات أمجاد
وح تطلع بتحب بلادك
وتحب تاريخ الاجداد
وتعاهد نفسك وحبايبك
ع الطاعة و منع الإفساد
وتصلي وتصوم وتزكى
و تحج لو شوقك زاد
وتشوف المساواه فى الكعبة
و مفيش اتباع و آسياد
و ح ترجع تحلم بالوحدة
ولماذا نبقى آحاد !؟
وستعرف أن الكفار
يقفون لنا بالمرصاد
وستدرك انك مسئول
عن حشد جميع الافراد
لحماية دين التوحيد
فرساناً شجعاناً و آساد
وستؤمن ان الاسلام
بجهود العلماء أشاد
فالعلم النافع مفروض
والعلم يرد الحساد
وبه أمتنا تعلوا
وبه ثروتنا تزداد
وبه نكتشف كنوز الكون
ونسخرها للحاضر و الباد
وستدرك معنى الحرية
وعلى الحرية تعتاد
فتقول الحق بلا خوفٍ
فالكل امام الحق عباد
والساكت شيطان أخرس
ومطية يركبها الفساد
وستصمد فى وجه الباغي
مهما تغطرس أو كاد
و سترخص فى عينيك الدنيا
فالدنيا رماد فى رماد
يكفيك من الدنيا لقيمات
والصوم دواء الأكباد
والقرآن انيسك فى الرحلة
وشفيعك يوم الميعاد
و العيد القادم موعدنا
فانتظروا أحلى الأعياد
الاهرام الان
سمير المسلمانى
كل سنه وسعادتك طيب وبخير وسعادة يامحترم
