منى أحمد عبد النبي
عضو إتحاد كتاب مصر
والله هلالك هل وبان
ومعاك الأنوار بتلالي
بعد ماعدى وفات شعبان
مرحب بك أهلا بالغالي
والله. بعودة يارمصان
أجمل صحبة وأحلى ليالي
بنصلي قيامك ونصوم
وياك الدرجات ف العالي
الأولاد شايله الفوانيس
بتهني قدومك. ويانا
زينة وزفة بأحلى عريس
ويغنوا رمضان آهو جانا
والدنيا بتفرح وتهيص
والعالم بيغني معانا
بنرطل فيك القرآن
ونزود ليك التسابيح
وبنتوسل للرحمن
في قيامك نبكي وبنصيح
يقبل منا ويصفح عنا
قبل مانصبح يوم ف ضريح
بتجينا وبنلبي نداك
ودموعنا بحبك بتفيض
نتعبد بزيادة معاك
والخير بقدومك بيزيد
نتهجد ف الليل وياك
وتودعنا ف ليلة العيد
