ادب وثقافه وفن

#همسات_بوح

الاديبه 

سحر عاشور

نصيحة مني اوعي تقلل من نفسك علشان اى بني آدم علي وجه الأرض ، اعرف قيمة نفسك و كرمها لأن ربك كرمها ، فأوعي تقبل يوم تجاهل أو ذل أو أهانة باسم اى شعارات 

اوعي في يوم تدوس على كرامتك علشان انسان مقدرش مشاعرك و حافظ علي عهوده ووعوده معاك و أعرف في الحالة دي انه ما بيحبش غير نفسه و بس …
الحب الحقيقي التزام بالوعد و احترام لمشاعر الطرف التاني و جبر خواطر و طبطبة و حنية مش تجاهل وقلة قيمة و قسوة بلا رحمة ..

الحب يعني مكانة عالية في قلبي مهما جرى و مهما حصل عمرها لا تقل و لا تتبدل بحد تاني ، صدقني لو فعلآ حب حقيقي مش هيقدر يحب حد غيرك و لا هيقدر انك تكون بره حياته 

بلاش تهين نفسك و تجري في يوم ورا شخص بيهين مشاعرك و يستنزف طاقتك ، لما تلاقي شخص بيتهرب منك أو بيتجاهلك ابعد فوراً و بدون تفكير و اعرف انه فعلا بدأ خطواته في اتجاه تاني و قرر البعد عنك ، اوعي تحاول تجري وراه لأن هيكون النتيجة بالعكس طالما فيه شيء تاني دخل حياته أو خلاص خد القرار بالبعد 

ابعد فورا و اوعي تقلل من نفسك مع شخص بيهملك و نسي لك كل جميل عملته معاه ده بالعكس كمان بيأذيك نفسياً ..
احذر لأنه لو فضل محور الكون بالنسبة لك عمرك ما هتحقق اي انجاز في حياتك العملية و هيهز ثقتك في نفسك لغاية ما تتدمر ، بالعكس امراضك النفسية هتتحول لأمراض عضوية وقابل بقي اللي جاي ….

وخليك فاكر كل ما هيشوفك بتهتم أو بتتعذب و متضايق هيزيد في عناده المريض و عمره ما هيرحمك و بعدها برضوا هيسيبك في وقت معين و يمشي لأنه ببساطة فعلآ شخص مريض و فيه حاجة غلط و كمان ما عندوش مشاعر من الأصل يعني(غير قابل للتغيير ) مهما اظهرلك العكس و لا عمره هيعرف قيمتك أو يحس بيك مهما حاولت معاه حتى لو أديته من لحمك و دمك عمره ما هيفتكرلك شيء غير اللي هو عايز يفتكره و يشوفه ..

المشاعر عمرها ما كانت كده و لا عمرها بتموت و لا بتقلل من قيمة صاحبها و اللي بيحبك هيعمل المستحيل و مش هيبعد عنك ، بالعكس هيدور عليك و هيحارب علشانك و هيشتري خاطرك مهما كان الثمن و العكس صحيح 

كلمة اخيرة… حافظ علي كرامتك و خليك عارف ان الشخص اللي خذلك مش( القطعة الأخيرة التي لن تتكرر ) 
وطول مانت مرتاح الضمير و ما خنت و لا غدرت خليك واثق ان ربنا هيكرمك بالأفضل ،
لا ده كمان شيلك حاجة كبيرة قوي بس انت اصبر و سلم امرك لله ووكله في كل أمورك و اكرم نفسك وصونها و ما تقبلش في يوم اي إساءة باسم الحب لأن نفسك غاليه و عاليه عند اللي خلقها بلاش تقلل منها علشان انسان ما عرفش قيمتك في يوم من الأيام 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى