سعيد عزب
مصر عايزه …..مصريين بجد
مش كدابين….. زى اللى ماليين
كل الشوارع…… والحارات ….
واللى راكبين وزحمين…… الباصات …
واللى فى المصالح…. و بيرغو…. ع الشاشات
واللى قاعدين…. ع القهاوى….. والمكاتب
شغلهم كله …..خد….. وهات ….
واللى فى القصور…. واللا الخرابات….
مصر عايزلها ……رجاله بضمير …..
مش حرامي…. وجاهل…. ونايم ع السرير
واللا غبى …..وفاشل ….
و يصحي من نومه …..الظهر
وعايز يبقى….. الوزير ….
واللا مرتشى …..ونصاب…..
هو اللى يتحكم ……فى العباد
بلطجى و من…… غير ضمير
ويبقى شاهد.زور ….من غير يمين
مصر اكبر ….من خيالنا …..ومن طموحنا
مصر عايزه اللى…. بيصحى م الفجر …..ويا الآذان
مصر عايزه اللى…… بيزرع بدري ارضه
الحق و يا الأمل …… ينبت فى الغيطان
واللى رايح مصنعه ….قبل الميعاد
ويقول يارب استرنا …..زى باقى العباد
مصر عايزه مدرس …فاهم ….وقدوه
وتهابه العيال …..
هو اللى بيسأل…… مش مستنى السؤال
عايزه طبيب …….و بيعالج مريضه
مش جزار…. بياع كبده…. وكلاوى ….. او طحال
عايزه ضمير يصحى …….اللى نايم
وكفايه إتكال …..
وقلب حديد مايخاف …..م القتال
حتى لو كان أخر يوم فى عمره
مايقولش….. المحال .
علشان ماتبقى مصر ….زى ماكانت
طول عمرها …..حقيقه ….مش خيال
