بقلم /محمود حسين حنفي
بنيت لنفسي بيت جميل
كمان في وصفه ما لوش مثيل
بانيت معه أجمل سنين
وجوه قلبي شايل حنين
بانيت بلهفه وشوق لكي
خليته قصر يليق بكي
وفي البدايه صوره لكي
ما أنا أصلي دايب وغرامي فيكي
وحتى قلبي بينده عليكي
خطفتي عقلي بنور عينيكي
كل مشاعري دايبه فيكي
كان كل حلمي أكون معاكي
يا حب عمري ونول رضاكي
دلوقت عايش على ذكراكي
في غربتي كان كل حلمي
أرجع بسرعه واخدك في حضني
وأقول لنفسي أصبر شويه
علشان أجيب أجمل هديه
وفجاه لقيت تليفوني رن
بصوت حزين عمال يزن
رديت بسرعه وأشتياق
أتاريها لحظه الفراق
قالو لي حبيبتك راحت خلاص
مات الأمل والشوق خلاص
ما قدرتش أمسك دمعت عينيه
م الحزن كان بيقطع فيه
ليه الفراق ده للاحباب
ليه على طول نعيش في عذاب
ليه الحلم الحلو يروح
ليه على طول نعيش بجروح
ليه يا زماني تعذب فيه
بكل قسوه ما فيش حنيه
نفسي تبطل قسوه عليه
وتخف اللعب معايا شويه
أنا ياما شلت في أحزان
وكمان جروح و سنين حرمان
تعبت من اللي بيحصل فيه
وخلاص نسيت طعم الحنيه
وهارجع من غربتي مكسور
كان كل حلمي أعيش مستور
وابني لحبيبتي بيت متواضع
راحت خلاص وكمان أنا راجع
كفايه عليه كل المواجع
كان كل حلمي أعيش متواضع
سلام يا غاليه ومش هنساكي
انا هافضل عايش ذكراكي
كان كل حلمي أنول رضاكي
وكمل باقي عمري معاكي
