ادب وثقافه وفن

شعور غريب….

.سعيد عزب
لما تكون وحيد او ضعيف …وملكش ضهر ..فى الوطن
‏تلقى الخواطر تسبقك….. للهروب لليأس…..وللهوان
‏ تفضل وحيد.وطاير زى ريشه …ومالكش وزن
تبقى مش عارف تعمل إيه …..
والدنيا كلها مش راضيه… بيك….. أو عليك
حتى شكلك مش لطيف ….رغم انك كنت الوسيم
حتى كمان دمك خفيف ….
حتى لوكنت البطل الشديد…… واللطيف ….
وحتى لوكنت الأول …..فى السباق…..
تلقى كل الجمهور….. بيسقف للأخير …..
تبقى مش عارف تضحك….. واللا تبكى…..
واللا تخرج…. م السباق ……
‏.وتسيب التراك….. للى…. بيقص النجيل….
كل اللى انت عايزه…… تاخد بس حقك ….
او تاخد مكانك فى الطابور …..
وانت فى الحقيقه …..افضل دليل ….
لما تكون طيار …..ويقولوك …..
محتاجين…. وبس….. سواق لتوكتوك…..
لأجل ما الواد….حمكشه شغلوه….
وإختاروه…. طيار برخصة مضروبه ….و درجه ثالثه
‏لأجل عمه…. كان وزير …..
واللا تكون أديب وشوقى…. أو نجيب
واللا إحسان …..أو أنيس ….
ويقولولك محتاجينك بس ….. للأطفال جليس
تبقى مش عايز تنام …..
وحتى لو نمت تبقى مش عايز …..
برضو تصحى ….وأصحى ليه ….؟؟؟
لما أكون فى عيون الناس والنظام ….
هش و ضعيف …..أو مليش ميزان …
او أكون عند الوطن …..يمكن كمان مليش وجود ….
.او أى حاجه ع الرصيف …..
وماليش حقوق …..
يبقى الهروب هو بس ……
حلى الوحيد…
الحقيقه مابقيتش عارف ….
مين اللى بيحكم فى البلاد ….
القانون….. واللا الضمير ….
دا القانون فرقوه…. ع المسؤلين ….
وكل واحد ….أخد له ماده …..
وعمل منها المخده….
بتريحه…. وبينام عليها…. فى السرير ….
والضمير بقي سلعه بايره ….
ملهاش طلب …..ملهاش عزيز ….
صدروه للأجانب…. أو للى لسه هيبتدى مشواره بره …..
من جديد …. اوبيهرب فى الطريق ….
يمكن يفيده… لحد مايعمل قانون ….
وبلاش عتاب …. وبلاش ألوم….
إن كان دا سبت….. أو حتى حد ….
لازم يعدى….. وأهو…. برضو يوم …
وبكره تيجي….. أيام كتير ….
يمكن يتولد….. فيها الضمير ….
بس يومها ….. مش هكون.هنا …. فيها الغفير
واللا حتى…… هأكون …..فيها الوزير ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى