بقلم الشاعرة فاطمة معروفي
دنيا مقلوبة سورتها
ضايعة مغلوبة
سولو ا صراخ الريح
شحال من قلب جريح
عوافي في جوف مخنوقة
وشلا ماي تقال ……..
دروب الضيم جمر قايد
غمة على غمة
واش هاذ الزمان …………..
تلاقى لحروف
ما تلاقا لكفوف
دنيا مقلوبة
سوارتها ضائعة مغلوبة
للي حسبتو غطايا ………
صار ضدي وضري لادوايا
لخديعة دايرة…..
والنية غايبة
غيبت لمسا
كلام حلو ….
لقلب جافر ولفعل كافر
ضاقت النفس
عافت مكر لاعمال
الصادق مخاوي
خلوة الوقت …..
ولمكار داير فيها العار
شحال من مكان عالي
ساسو خاوي
غير أنا وأنا
وشنو درت أنا
كمل ياحبري
بدموع الشهادة
وتنقشي ياصفحة لهموم
اليوم وغدا
“يا عجب الدنيا
تقلب الزمان
والعين تشوف
بايع لكلام
ضايع في ظلام
مقطع وراقوا….
وجه مكشوف …
دنيا مقلوبة….
سوارتها ضايعة مغلوبة
