ادب وثقافه وفن

بصراحه .. الفن زمان لا لا.. الفن مفهوش كبير.. ” مارلن براندو ” عمل إختبار لما جه يعمل فيلم ” الأب الروحي-The godfather”

سمير المسلمانى

عن ذاكرة أمه فى الفن الجميل

يحكى الفنان الكبير عبد الله غيث 

 يقول   في يوم من الأيام وانا قاعد في بيتنا بصيت لقيت تليفون من الأخ المنتج ( تاكفور انطونيان) بيقولي ان فيه مخرج عربي أمريكاني هيعمل فيلم عالمي إسمه ( الرسالة)… وعاوز له ممثلين مصريين وعاوز يشوفك لإنك مرشح لأحد الأدوار.. انا طبعا مخدتش المسالة بجدية كبيرة لان كان حصل تجارب قبل كدا يقولك إن في جماعة طالعين او جايين يعملوا فيلم عالمي وفي مش عارف ايه وحسب اللي شوفنا من الأفلام اللي أُنتجت واتصورت.. الحقيقة يعني لقينا فيها الممثلين المصريين بيقوموا بأدوار يمكن مش لائقة بمكانتهم الفنية

إنما قولت يلا مفيش مشكلة هجرب.. فروحت لقيت شاب عربي قالي انا بقالي ٦ سنين بحضر الفيلم و انت مُرشح لدور ” حمزة..”

قالي انما الترشيح دا مش نهائي.. شوفي بقا الجدية في العمل.. ” قالي انا مش صاحب الرأي الاول والأخير” في لجنة في لندن هنعملكوا زي تيست اختبار زي الكاميرا

– وحضرتك وافقت على التيست دا علماً بإنك عبد الله غيث..؟

= لا لا.. الفن مفهوش كبير.. ” مارلن براندو ” عمل إختبار لما جه يعمل فيلم ” الأب الروحي-The godfather”

ويمكن هو أكبر نجم سينمائي في العالم.. واتعمله هذا الأختبار.. الحكاية يعني مش غرور أو كبرياء او تعالي.. لكن إما انا شكلي ينفع في دا ” أه او لاء”

ولما الصور راحت للـ لجنة وبعد شهر باعتلي ” مصطفى العقاد” مخرج الفيلم وقالي مبروك.. انت اللي هتمثل دور ” حمزة” وعلي فكرة المنافس ليك في النسخة الأجنبية هو ” أنطوني كوين..” انا في الحقيقة حسيت برعشة وخوف من هذا الغول الفني،، لاني بعتبره أحسن ممثل سينمائي شوفته.. بيني وبينك انا خوفت.. بس خوف ايه…! الخوف الصحي،، خوف التحدي ” الله، طيب انا ممثل كويس وانطوني كوين ممثل عظيم.. نتوكل ع الله ونخوض التجربة ديه ونشوف ايه اللي هيحصل”

بعد كدا قبل التصوير جه السكرتير بتاعه ” انطوني كوين” وقالي لو سمحت كلم مستر كوين

(( قالي انا ليا عندك رجاء.. انا عاوزك تمثل انت قبل مني لأني عاوز اتعلم منك. كيف يكون الإنسان العربي بيوقف ازاي وبيشاور ازاي بيخطب إزاي مشيته ازاي لاني شوفت الممثلين الإنجليز مقتنعتش بيهم خواجات لابسين عرب انا عاوز ابقا عربي ١٠٠%..))

عبد الله غيث ❤️

التصوير كان في الغرب ويذكر انه حضر عدد كبير جداَ من الجمهور لحضور المنافسة الشرسة بين عبد الله غيث وانطوني كوين

 

قد تكون صورة ‏‏‏٥‏ أشخاص‏ و‏لحية‏‏

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى