الشاعر وليد ابو السعود
قالوا ابن نكته قالو عنيد
مريح دماغه ليه البعيد
صابر مهما الحمول تزيد
صوابعه شموع لم تقيد
بيتحمل حمول فوق المحال
وعند الصبر تلال وجبال
قتلو الضحكه وليه ماقال
داانا الاساس فى كل الاحوال
مساء الخير على الضحكه اللى صبحت حزينه
مساء العقول اللى تايهه يازينه
مساء بيطلب فوقان من الضيقه
مساء الخير
على الكل اللى بقى وحدانى
والكل بيشك فى التانى
مساء الوضع اللى غير انسانى
مساء كل شيء زحمه م الاحزان
مساء الخير
