بقلمي ريما خالد حلواني
إنت وأنا والحب
شعلة صفا
بدراج الوفا خبينا الحكي
وصرنا إنت و أنا نغرس دفا
ت زهرت مواسم المحبه
وبلشنا بالحصاد
شروش الالفه تغلغلت بالأرض
وكبرت وسهلنا لها الدرب
إنت وأنا والحب
سطرنا المسافات
والشوق والنهدات
تدفقت… حرقت الغربه… دفنت الاسى
وصارت ترقص إلك زهرات الدار
وتتبعك غمزاتها وتخبرك
انو بكأس الحياة خبيتلك
شراب الحب خمرا ع مدى سنين
ت يجي يومك واسقيك
دمعه من جوا القلب يا حبيبي
