إحنا زمـانا ما يتعوضشـي
إحنـا الجيــــل الصح تمــام
بس الدنيـــا اتغيـر حالهــا ألف خســـــاره على الأيـام فين أيامنـــا و فين ليالينــا فين الطيبــه و راحة البـال عمـرنا أبـدا يـوم ما نسينــا كل التفاصيل و احنا عيال كنا بنصحى قلوبنـا عفيـه ملهــاش أبـدا في الأحـزان و بنتلــــم على الطبليــــه نفطـر دفـا و حنان و أمـان حِجر الأب دا كان كرسينـا حضن الأم دا بيتنـا الـدافي عمـر الدنيـا ما تيجي علينا طول ماالقلب جميل متعافي بعـد
- فطارنا و بعد صلاتنا ع المدرســه ما اتأخــرناش و لوحدنا عارفيـن سكتنـا و المريلـه و الشنطه قماش فصلنـا فيه الــواد و البت كلنا جـوه الفصـــل اخوات ولاكان فيه تابلت و لا نت بس نجيب أعلى الدرجات الأستـاذ كنا نخــــاف منه و بنحترمــه كأنـه أبـــونـا كنا ل بعض قلوبنـا يحنوا والأيام على روحنا حنـونه إحنا الجيل ابوفطره سليمه اللي اتربى و حلمـه بسيط ولا بنـروح مسـرح ولاسيما بس كبيـرنا نــروح الغيـط نلعب سيجا و نلعـب صلـح وكل صحـاب الحتـه معـانا واما نروح علشان نتمرجـح تبقى الدنيا مهيش سايعانا كانت الدنيــا جميله و سهله وكل الناس عايشه لبعضيها ومفيش حاجه كانت مستاهله هيه سنين ماشيه لوحديها بعد العصــر اللمـــه جميــله ويـا صحابنـا و ويـا الجـار شرب الشاي مع ابوك والعيله ع المصطبـه قــــدام الـدار و لا بنشيــل هــم الايــــام ولا خايفين من بكره و غيره واللي يعدي بيرمي سـلام و اللي بتبعـت صحن بخيره و اما ننام وناخد تعسيــله نصحى قوام بقلوب مبسوطه علشان نسمـع أبله فضيلة و هيه بتحكيلنــا الحـــــدوته عيشـه جميلـــه كـأن الجنـه سايبه عشانا الباب مفتوح ورغيف عيش من أي مشنه ب حتـة جبنـه ترد الــروح نعطش نلقى الزيـر و القلـه فيهـم دفـا فيهـم إحسـاس كانت عيشة جميــله و فله رغـــم بســـاطة كل النـاس ألف خساره عليك يا زماني كنت جميل قوي و مدفينا ومفيش حد يعيش وحداني ولا بيبـات وعيونه حزينـه و أهو دلوقتي بقينـا نعانـي م الأيام و الناس حــوالينا إحنا الجيل اللي مجاش تاني و لا يتعــوض ضافــر فينا
