ادب وثقافه وفن

أة يازمن

ضحكت علينا السنين
عدت فى غمضة عين
أخدت كل حاجة
واللى راح هييجى منين
راح الصبا والشباب
عشناهم فى المر شقيانين
راحت اللمة والصحبة
راحوا الناس الطيبين
راحوا فين يازمن
كانوا على القلوب غاليين
كانت دخلتهم علينا
تشرح القلب الحزين
خبرنا عنهم يازمن
دا إحنا لرؤياهم مشتاقين
مش باقى منهم غير ذكرى
وصورهم على الجدران متعلقين
منين تجينا المحبة
إشتقنا للحظة حنين
ماتت الضحكة جوانا
وبحكم الزمن راضيين
ومهما تإسى الأيام
على الهموم صابرين
هون علينا يازمن
بفرحة تبكى العين
خف حمولك علينا
عايزين نعيش مرتاحين
دا إحنا غلابة يازمن
وغير الستر مش طالبين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى