سالى وحيد
مدير تحرير الاهرام الان
بعد فترة من المعاناة والمشاكل الغير مبرره ، وبعد ان تداركت الموقف وبدأت حياة جديدة في محاولة مستميتة للبقاء والاستمرار
وبرغم كل العثرات والتخبط وعدم التوفيق غير انه القدر والنصيب وطريق مكتوب..
وبعد وقت قصير فوجئت صدفة بأبتلاءً جديد وضيف غير مرغوب فيه من المرض والآلم
لتبدأ رحلة جديدة مع مرض السرطان
ضيف ثقيل وعنيف وجاء من غير موعد ولا إنذار في وقت هو الأصعب والتحدي الكبير في حياة
أما البقاء او الاستسلام
تحدي صعب في جسم منهك نفسيًا قبل بدنيًا لان التعب مش بيبان في بداية الرحلة
البداية .. كشف مفاجئ وصدمة كبيرة والدخول في دوامة الإشعاعات والتحاليل والتعامل اليومي والمباشر مع مستشفي (حكومي) متخصص في علاج مرضى السرطان
حدث ولا حرج من المعاناة الاخري ولكنه ليس له بديل لان علاج السرطان غالي جدا جدا والرحلة طويلة
بدأت من ٢٠/٨/٢٠٢٢
وكانت ومازالت أسوء سنة من ضمن سنين كتييير فاتت
اللي كان في مخيلتي انه بداية ل حياة جديدة ولكنها كانت بدايةً النهاية
لا أنكر أن التجربة علمتني كثيرًا من الدروس والأشخاص والأماكن أيضا
إللي وقف بجانبي .. إللي أتفرج.. اتصعبن.. واللي قالي هذا إنتقام الرب 
.. واللي كان عاوزني امضي علي ورقة بتنازل عن كل حاجة علشان لو مت يبقي ضامن
.. واللي كان عاوزني امضي علي ورقة بتنازل عن كل حاجة علشان لو مت يبقي ضامن (مررت بأناس كثيرة منها عقاب ومنها دروس )
مرحلة العلاج
عملية وعملية وأكثر من شهر ونص في غرفة ظاهرها جميل وباطنها تابوت وجحيم مش عارفه أخرج منه ..!!
وبعد وقت قصير من العمليات والجرح العميييق لأتفاجي بالكيماوي إللي لازم ابدأ فيه فورًا
مرحلة هي الأصعب (الكيماوي)
حدث ولا حرج من بهدلة وإجراءات وانتظار مميت ، والأصعب علي الإطلاق هو انتظار محلول الكيماوي تخلص وانت بين قاعة كبيرة فيها حوالي ٢٠ مريضة في نفس الغرفة
وكان أول يوم هو الأصعب علي الإطلاق لاني كنت باخد مع ناس بتتعب وتغمي عليها ويحصل مضاعفات أشبه بالفيلم الرعب
كنت بحاول أطبطب علي نفسي وهونها عليها لاني محدش هيقدر اللي جوايها غيري
مرت آول جلسة بسلام .. وقبل تاني جلسة بدأ الشعر يقع إحساس مهما وصفته صعب أقول او اشرحه او أوصله
عني علي ذلك أبني سيف وخليته شاله لي وهو بيبكي وحاضني أشبه بمشهد في السينما
كل ده وانا غير مستوعبة اللي انا فيه وفي حالة ذهول وإنكار ولا اخفي أن اولادي كانوا أصدقائي الحقيقيون في الرحلة ..
تعب الكيماوي أشبة بميه النار التي تبتلعها طوعًا وبكل رضا ومسامحة عرفت يعني اي كلمة (بتعض في الارض)
الم رهيب وتعب ليس لك فيه اي حل غير التحمل وانك لازم تكمل..
وقت الضعف واليأس..
كيماوي وبعدها اشعاعي والجهاز مش شغال سوري ياجماعة فوتوا علينا بكره
ل حد ماوصلنا لليوم وعدينا مرحلة هي الأصعب والاسي في حياتي وحيات أولادي ربنا يبارك فيهم
هما كانوا العون والسند والضهر.. تحملوني في وقت انا مكونتش موجودة فيه كنت بعاني اشد أنواع المعاناة وبقولهم شكرًا
اليوم.. نقدر نقول اننا ماشين علي دواء هنمشي عليه فترة بس أظن الرحلة خلصت
حتي ولو كان لسه في استكمال علاج دوائي بس لازم أقول الحمدلله رب العالمين
بفضل دعواتكم والمؤازرة والكلام الجميل اللي كان بيتبعت لي من زملاء وأصدقاء كنت اول مره نتكلم وناس كتيرة كانت عاوزة تزورني حتي ولو متقبلناش قبل كده بجد ..شكرًا
رحلة صعبة وأكيد أخدت مني كتير حتي الدواء الهرموني له تأثير علي العضم ودواء يومي لمدة خمس سنوات
حتي ولو عارفه انها مسألة وقت ايا كان كااااام بس خلينا نقول أننا عاملنا إنجاز يستحق اني اقولي ل نفسي .. شكرًا
صبرتي وتحملتي معايا كتييير في محطات وناس متستهلش وكتير من الخزلان ..الحمدلله
أنه اعطاني قوةً التحمل والصبر والسلوان وتقبل واقع اتفرض عليه
