الشاعر على السعداوى
اسمع منى وفتح عقلك
لم الدنيا فى يوم تضحك لك
اضحك ليها وعلي الضحكة
اوعاك تنسى وتديها ظهرك
اضحك زى ماضحكت ليك
أصلها فرصة عزيزة وجتلك
واعرف يوم مابتضحك ليك
انها دايما مش هتجاملك
اضحك قبل ماتقلب ثانى عليك
وتشهيك الضحكة وتحلف
ألف يمين الا تبكيك
أصل الحزن فى عرفها كيف
ان فتحت وشفت عيوبها
تعمل منك ألف كفيف
والوش الثانى توريك
هتشيل حمل مهواش حملك
وان يوم رضيت تبقى معاك
اعرف انها زى الشمس
تطلع لاجل خيوطها تضمك
وام تحس دفاها وصلك
زى ماجتلك تغرب عنك
